கோலியின் சவாலில்... தினேஷ் கார்த்திக்கைக் 'கோர்த்து விட்ட' கே.எல்.ராகுல்!

கிரிக்கெட் வீரர் விராட் கோலி தான் புஷ்அப்ஸ் செய்யும் வீடியோவை தனது ட்விட்டர் பக்கத்தில் பகிர்ந்து, இதேபோல பிரதமர் மோடி, தோனி மற்றும் எனது மனைவி அனுஷ்கா சர்மா ஆகியோரும் செய்ய வேண்டும் என்று கோரிக்கை வைத்தார். பதிலுக்கு பிரதமர் மோடி "சவாலை ஏற்றுக்கொள்கிறேன் விராட். விரைவில் எனது உடற்பயிற்சி வீடியோவை ட்விட்டரில் பகிர்கிறேன்,'' என தெரிவித்திருந்தார்.

இதுதவிர இந்திய அணியின் இளம் வீரர்களான கே.எல்.ராகுல்,ஸ்ரேயாஸ் ஐயர் ஆகியோரும் இதுபோல செய்ய வேண்டும் என விராட் கேட்டுக்கொண்டார்.

இந்த நிலையில், விராட்டின் சவாலை ஏற்று கே.எல்.ராகுல் உடற்பயிற்சி செய்து வீடியோ வெளியிட்டுள்ளார். மேலும் இதுபோல கொல்கத்தா அணியின் கேப்டன் தினேஷ் கார்த்திக் மற்றும் ஹர்திக் பாண்டியா இருவரும் உடற்பயிற்சி செய்து, வீடியோ வெளியிட வேண்டும் என ராகுல் கேட்டுக்கொண்டுள்ளார்.