'பிளே ஃஆப்'க்கு போட்டா போட்டி: கொல்கத்தாவுக்கு 'இமாலய இலக்கை' நிர்ணயித்தது மும்பை!

புகைப்பட உதவி @IPL

கொல்கத்தா-மும்பை அணிகளுக்கு இடையிலான போட்டி ஈடன் கார்டன் மைதானத்தில் தற்போது நடைபெற்று வருகிறது. இதில் டாஸ் வென்ற கொல்கத்தா கேப்டன் தினேஷ் கார்த்திக் முதலில் பவுலிங்கைத் தேர்வு செய்தார்.

இதனைத் தொடர்ந்து மும்பை அணி முதலில் பேட்டிங் செய்ய களமிறங்கியது. ஓபனிங் பேட்ஸ்மேன்கள் ஈவின் லீவிஸ்(18) சூர்யக்குமார் யாதவ்(36) இருவரும் அந்த அணிக்கு நல்ல தொடக்கம் அளித்தனர்.

என்றாலும் மும்பையின் இளம் பேட்ஸ்மேன் இஷான் கிஷான் கொல்கத்தா பந்துவீச்சை பிரித்து மேய்ந்து விட்டார். 17 பந்துகளில் அரைசதம் கடந்த இஷான் 21 பந்துகளில் 62 ரன்கள் குவித்து சுனில் நரைன் பந்தில் ஆட்டமிழந்தார்.

கொல்கத்தா அணியில் அதிகபட்சமாக பியூஷ் சாவ்லா 4 ஓவர்களுக்கு 48 ரன்கள் விட்டுக்கொடுத்து, 3 விக்கெட்டுகளைக் கைப்பற்றினார்.

கடைசி கட்டத்தில் பென் கட்டிங்(24) அதிரடியால் 20 ஓவர்கள் முடிவில் மும்பை அணி 210 ரன்களைக் குவித்தது. இதனைத் தொடர்ந்து 211 ரன்கள் எடுத்தால் வெற்றி என்ற இலக்குடன் கொல்கத்தா அணி தற்போது களமிறங்கி விளையாடி வருகிறது.