டெல்லியை வீழ்த்தி புள்ளிப்பட்டியலில் 'முதலிடத்தை' பிடிக்குமா சென்னை கிங்ஸ்?

டெல்லியின் பெரோஸ் ஷா கோட்லா மைதானத்தில் இன்றிரவு நடைபெறவிருக்கும் போட்டியில், டெல்லி டேர்டெவில்ஸ் அணியை தோனியின் சென்னை சூப்பர் கிங்ஸ் அணி எதிர்கொள்கிறது.

நடப்பு ஐபிஎல் போட்டிகளில் முதல் அணியாக பிளே ஆஃப் சுற்றிலிருந்து டெல்லி அணி வெளியேறியுள்ளது. அதே நேரம் 8 வெற்றிகளுடன் சென்னை அணி புள்ளிப்பட்டியலில் 2-வது இடத்தைப் பிடித்து, பிளே ஆஃப் சுற்றிலும் கால் பதித்துள்ளது.

டெல்லிக்கு எதிராக கடைசியாக நடைபெற்ற போட்டியில் கடுமையாகப் போராடியே சென்னை வென்றது. இதனால் இன்றைய ஆட்டத்திலும் சென்னை-டெல்லி அணிகளுக்கு இடையிலான போட்டி பரபரப்பாக இருக்கும் என எதிர்பார்க்கப்படுகிறது.

இரு அணி வீரர்களின் விவரம் பின்வருமாறு:-

சென்னை சூப்பர்  கிங்ஸ்: தோனி(கேப்டன்), சுரேஷ் ரெய்னா, அம்பாதி ராயுடு, ஷேன் வாட்சன், சாம் பில்லிங்ஸ்,ரவீந்திர ஜடேஜா, டுவைன் பிராவோ, தீபக் சாஹர், ஹர்பஜன்சிங், லுங்கி நிகிடி, ஷர்துல் தாகூர்.

டெல்லி டேர்டெவில்ஸ்: ஸ்ரேயாஸ் அய்யர்(கேப்டன்), பிரித்வி ஷா, ரிஷப் பண்ட், விஜய் சங்கர், மேக்ஸ்வெல், போல்ட், அமித் மிஸ்ரா,அபிஷேக் சர்மா, சந்தீப் லாமிசென், அவேஷ் கான், ஹர்ஷல்  படேல்.