2019 முதல் 1 நொடிக்கு 100 ஜிபி வரை அதிவேக இண்டர்நெட்டுக்கு வாய்ப்பு!

இணையதள நுகர்வோர் பயன்பாட்டில் முதன்மையான இடங்களில் உள்ள நாடுகளில் இந்தியாவும் ஒன்று. ஆனால் இணையம் வேகத்தை பொறுத்தவரை இந்தியா 109-வது இடத்தில் உள்ளது.

எவ்வளவுதான் நெட்பேக் போட்டாலும், அதிவேகமாக இணையம் செயல்படாததால், நாம் பயன்படுத்தும் முன்னரே டேட்டா பேக் காலாவதி ஆகிவிடுகிறது.  ஆனால் இந்த சிக்கல் எல்லாம் 2019-ம் ஆண்டுக்குள் சரியாகி, ஒரு நொடிக்கு 100 ஜிபி டவுன்லோடு ஆகும் அளவுக்கு தொழில்நுட்பம் முன்னேற வாய்ப்புள்ளதாக இஸ்ரோ தலைவர் சிவன் தெரிவித்துள்ளார்.

இதுகுறித்து கூறிய அவர், ‘இந்தியா ஜிசாட்-19 என்கிற செயற்கைக் கோளை விண்ணுக்கு அனுப்பியுள்ளது. அடுத்து நவம்பரில் ஜிசாட்-29 ஐயும் டிசம்பரில் ஜிசாட்-11 ஐயும் அடுத்த ஆண்டு தொடக்கத்தில் ஜிசாட்-20 ஐயும் அனுப்ப உள்ளது. இதனால் இணையம் அதிவேகமாக செயல்பட வாய்ப்புள்ளதால் ஒரு நொடிக்கு 100 ஜிபி வரை டவுன்லோடு செய்யும் அளவிற்கு இணையத்தை பயன்படுத்த முடியும்’ என்று கூறியுள்ளார்.