புற்றுநோய் ஏற்பட்டு 'உடல்நலம்' பாதிக்கக்கூடும் என்பதாலேயே எதிர்ப்பு:அன்புமணி ராமதாஸ்

நடிகர் விஜய்யின் சிகரெட் காட்சிக்கு எதிர்ப்பு தெரிவித்தது குறித்து, பாமக இளைஞரணித்தலைவர் அன்புமணி ராமதாஸ் விளக்கம் அளித்துள்ளார்.

இதுகுறித்து சென்னையில் பத்திரிகையாளர்களிடம் இன்று பேசிய அன்புமணி ராமதாஸ், ''எனக்கும் விஜய்க்கும் தனிப்பட்ட விரோதம் எதுவுமில்லை,''என்றார். அப்போது பத்திரிகையாளர்கள் விஜய் தமிழன் என்பதால் தான்? என்று கேள்வி எழுப்பினர். பதிலுக்கு அன்புமணி, ''விஜய் தமிழன் என்றால், நான் ஜப்பானிலிருந்து வந்தவனா? என்று கேள்வி கேட்டார்.

தொடர்ந்து, ''இதனை விஜய்யின் நல்லதுக்காக சொல்கிறோம். அவர் உடல்நலம் நன்றாக இருக்க வேண்டும். நீண்ட ஆயுளுடன் இருக்க வேண்டும்.சிகரெட் பிடிப்பதால் புற்றுநோய் ஏற்பட்டு உடல்நலம் பாதிக்கக்கூடும் என்பதால் தான் புகை பிடிப்பது போல நடிக்கக்கூட வேண்டாம் என்று சொல்கிறோம்.விஜய்க்கு மட்டுமல்ல விஜய் ரசிகர்களுக்கும் இதுதான்,'' என்றார்.