'சிங்கிள்' பவுண்டரி கூட அடிக்க விடாமல்.. 'தோனி'யை தொடர்ந்து அச்சுறுத்தும் பவுலர்!

சென்னை சூப்பர் கிங்ஸ் அணியின் கேப்டன் தோனி இந்த ஐபிஎல்லைப் பொறுத்தவரை 24 சிக்சர்கள் அடித்துள்ளார். இதன் மூலம் அதிக சிக்சர்கள் அடித்தவர்கள் பட்டியலில் தோனி முதலிடத்தையும் பிடித்துள்ளார்.

ஆனால் கொல்கத்தா அணியின் சுழற்பந்துவீச்சாளர் சுனில் நரேனின் பந்துகளை 57 முறைகள் எதிர்கொண்டுள்ள தோனி, இதுவரை அவரின் பந்தில் ஒரு பவுண்டரி கூட அடித்ததில்லை என்னும் தகவல் தற்போது வெளியாகியிருக்கிறது.

இதுதவிர இந்த 57 பந்துகளில் தோனி வெறும் 29 ரன்கள் மட்டுமே எடுத்துள்ளார் என்பதும் குறிப்பிடத்தக்கது. இதுவரை மொத்த ஐபிஎல் போட்டிகளிலும் வேறு எந்த பேட்ஸ்மேனும் ஒரு பந்துவீச்சாளரின் பந்தை 50 முறைக்கு மேல் எதிர்கொண்டு பவுண்டரி அடிக்காமல் இருந்ததில்லை.