'இது புனே சூப்பர் கிங்ஸ் அல்ல'..வெற்றிக்குப்பின் கேப்டன் தோனி!

புகைப்பட உதவி ஸ்டார் ஸ்போர்ட்ஸ்

ராஜஸ்தானுக்கு எதிரான இன்றைய ஆட்டத்தில் சென்னை அணி 64 ரன்கள் வித்தியாசத்தில் மிகப்பெரிய வெற்றியை ருசித்து, புள்ளிப்பட்டியலில் முதலிடத்துக்கு முன்னேறியுள்ளது.

வெற்றிக்குப்பின் சென்னை சூப்பர் கிங்ஸ் அணியின் கேப்டன் தோனி அளித்த பேட்டியில், "எங்கள் அணியில் பலர் 30 வயதுக்கு மேற்பட்டவர்கள் எனவே உடற்தகுதி மிக அவசியம். புனே அணிக்காக நான் இங்கு ஆடும்போது ரசிகர்கள் மிகுந்த ஆதரவளித்தனர்.

அவர்கள் அளித்த ஆதரவுக்கு அவர்களுக்கு மீண்டும் எங்களால் திருப்பி அளிக்க முடிகிறது என்பது திருப்தி அளிக்கிறது.இது சென்னை சூப்பர் கிங்ஸ்தான் புனே சூப்பர் கிங்ஸ் அல்ல. ஆனால் 7வது போட்டி முடிவில் இங்கு அதிகம் மஞ்சளைப் பார்க்கலாம்.

இன்று பேட்ஸ்மென்கள் பந்து வீச்சாளர்களின் பணியை எளிதாக்கினர். முதலில் பேட் செய்து 200 ரன்கள் எடுத்தது பந்துவீச்சாளர்களின் பணியை எளிதாக்கியது. பிட்ச் நன்றாக இருந்தால் எந்த அணியும் முதலில் பேட் செய்யத் தயங்காது,'' இவ்வாறு அவர் தெரிவித்தார்.