ധോനിയെക്കൊണ്ട് പാനി പൂരി ഉണ്ടാക്കിച്ച് ആര്‍.പി സിംഗ്; മാലിദ്വീപില്‍ നിന്ന് വൈറല്‍ വീഡിയോ

ആര്‍.പി സിംഗിനും പിയൂഷ് ചൗളയ്ക്കും ഒരു തട്ടുകടയില്‍ നിന്ന് പാനി പൂരി ഉണ്ടാക്കി നല്‍കുന്ന ധോനിയുടെ വീഡിയോ ആണ് ട്വിറ്ററില്‍ ഹിറ്റ് ആയിരിക്കുന്നത്. മാലിദ്വീപില്‍ നിന്നുള്ള വീഡിയോ പങ്കുവച്ചിരിക്കുന്നത് ധോനിയുടെ അരാധകരുടെ ട്വിറ്റര്‍ ഹാന്‍ഡിലിലൂടെയാണ്.

പാനി പൂരി കൗണ്ടറില്‍ നിന്ന് പൂരി എടുത്ത് നിറച്ച്, പാനി ഒഴിച്ച് ആര്‍.പി സിംഗിന് കൈമാറുന്ന ധോനിയെ ആണ് വീഡിയോയില്‍ കാണുന്നത്. സ്‌പെഷ്യല്‍ പാനി പൂരിക്ക് ആര്‍.പി സിംഗ് നന്ദി പറയുന്നതും വീഡിയോയില്‍ കാണാം.

അതേസമയം, ധോനിയുടെ റിട്ടയര്‍മെന്റിനെക്കുറിച്ചുള്ള അഭ്യൂഹങ്ങള്‍ കൂടുതലായി പുറത്ത് വരുന്നുണ്ട്. നിലവില്‍ ഒരു മത്സരങ്ങളിലും ധോനി കളിക്കുന്നില്ല. ഈ വര്‍ഷം നടക്കാനിരിക്കുന്ന ടി20 ലോകകപ്പിലും ധോനി കളിക്കുമോ എന്ന് ഉറപ്പില്ല. ഇതോടെയാണ് താരത്തിന്റെ വിരമിക്കല്‍ വാര്‍ത്ത ശക്തമായത്.

Straight outta Maldives, our rockstar is seen making a couple of pani puris!👨‍🍳

Our favorite chat just became even more delectable! 🥰🤤#MahiInMaldives #Dhoni @msdhoni pic.twitter.com/NFjGcuMT1h

— MS Dhoni Fans Official (@msdfansofficial) February 4, 2020