கல்லூரி , பரதேசி, தாரதப்பட்டை, ஜோக்கர் உள்ளிட்ட படங்களின் ஒளிப்பதிவாளர் செழியன் இயக்குநராக அறிமுகமாகியிருக்கும் படம் டூலெட் . இந்த படம் கடந்த வருடத்துக்கான சிறந்த தமிழ் படம் என்ற தேசிய விருதை பெற்றது. மேலும் பல்வேறு திரைப்பட விழாக்களில் கலந்துகொண்டு விருதுகளையும் பாராட்டுக்களையும் பெற்றுள்ளது.
இந்த படம் வருகிற 22 ஆம் தேதி வெளியாகிறது. இதனை படத்தின் ஸ்நீக் பீக் எனப்படும் சில நிமிட காட்சிகள் தற்போது வெளியாகியுள்ளது. அதில், வாடகைக்கு இருக்கும் தம்பதியினரிடம் வீட்டின் உரிமையாளர் பிரச்னை செய்வது போன்ற காட்சிகள் இடம் பெற்றுள்ளன.
இயக்குநர் செழியனே ஒளிப்பதிவு செய்துள்ள இந்த படத்துக்கு ஸ்ரீகர் பிரசாத் படத்தொகுப்பு செய்துள்ளார். இந்த படத்தில் சந்தோஷ் ஸ்ரீராம், ஷீலா , தருண் ஆகியோர் முதன்மை வேடத்தில் நடித்துள்ளனர்.