நடிகர் ஆர்.ஜே. பாலாஜி கதை, திரைக்கதை, வசனம் எழுதி நடித்திருக்கும் படம் எல்கேஜி. வேல்ஸ் பிலிம் இண்டர்நேஷனல் சார்பாக ஐசரி கே. கணேஷ் தயாரித்திருக்கும் இந்த படத்தை பிரபு இயக்கியுள்ளார்.
அரசியலை மையமாகக் கொண்டு உருவாகி வரும் இந்த படத்திற்கு லியோன் ஜேம்ஸ் இசையமைத்துள்ளார். இந்நிலையில் தனியார் கல்லூரி விழா ஒன்றில் ஆர்.ஜே.பாலாஜி கலந்துகொண்டார். அப்போது பேசிய அவர்,
நாம் இங்கு பேசிக்கொண்டிருக்கும் இந்த நேரத்தில் தீவிரவாதிகளின் தாக்குதல்களால் 44 ராணுவ வீரர்கள் பலியாகியுள்ளனர். இந்த 44 பேரும் வேற, வேற ஜாதி , மதம், இனத்தை சார்ந்தவர்கள். அவங்க உயிர தியாகம் பண்ணதுக்கு ஒரே காரணம் தான். அது இந்தியா.
ஆனா நாம உள்ளுக்குள்ள நீ இந்து, நீ கிரிஸ்டியன் , நீ முஸ்லீம், நீ வந்தேறி நம்மளயே அடிச்சுகுறோம். அதுக்காக எல்லா கட்சிகளுடைய ஐடி விங் செயல்பட்டுக்கொண்டிருக்கிறார்கள். தயவு செஞ்சு விழுந்துறாதீங்க என்றார்.