நடிகர் தனுஷ் நடித்துள்ள ‘எனை நோக்கி பாயும் தோட்டா’ திரைப்படம் குறித்த முக்கிய அறிவிப்பு வெளியாகியுள்ளது.
கவுதம் மேனன் இயக்கத்தில் தனுஷ்-மேகா ஆகாஷ் நடித்து வந்த ‘எனை நோக்கி பாயும் தோட்டா’ திரைப்படம் நீண்ட வருடங்களாக ஷூட்டிங்கில் இருந்தது. இப்படத்தின் பாடல்கள் வெளியாகி ரசிகர்களிடம் மிகுந்த எதிர்ப்பார்ப்பை ஏற்படுத்திய நிலையில், சில காரணங்களால் படத்தின் பணிகள் தாமதமாகின.
இந்நிலையில், காதலர் தின ஸ்பெஷலாக தனுஷ் ரசிகர்களுக்கு ‘எனை நோக்கி பாயும் தோட்டா’ படத்தின் தயாரிப்பாளர் முக்கிய அறிவிப்பை வெளியிட்டுள்ளார். இது தொடர்பான அவரது ட்வீட்டில், ‘எனை நோக்கி பாயும் தோட்டா’ திரைப்படம் சென்சாருக்கு அனுப்பப்பட்டுள்ளது. இன்னும் ஓரிரு தினங்களில் சென்சார் சான்றிதழ் கிடைத்துவிடும். ரசிகர்களின் காத்திருப்பு நிச்சயம் வீண் போகாது என தெரிவித்துள்ளார்.
இந்த தகவல் தனுஷ் ரசிகர்களை உற்சாகத்தில் ஆழ்த்தியுள்ளது. இதனைதொடர்ந்து ‘வடசென்னை 2’, ‘அசுரன்’, இயக்குநர் துரை செந்தில் குமாரின் திரைப்படம், இயக்குநர் மாரி செல்வராஜின் திரைப்படம், தனுஷ் இயக்கத்தில் உருவாகி வரும் திரைப்படம் என ஏராளமான படங்கள் தனுஷ் கைவசம் உள்ளன.
#ENPTUpdate- All set for Censor.
— Madan (@Madan2791) February 14, 2019
Should be done in a day or two. Will Definitely be Worth the *WAIT*, Thanking Everyone for Your *Patience*. 🙏🙏🙏