இசையமைப்பாளராக அறிமுகமாகும் சித்ஸ்ரீராமின் முதல் பாடல் புரொமோ வீடியோ!!

இயக்குநர் மணிரத்னத்தின் மெட்ராஸ் டாக்கீஸ் மற்றும் லைகா நிறுவனம் இணைந்து தயாரித்துள்ள இப்படத்தில் ஹீரோவாக விக்ரம் பிரபு நடித்துள்ளார். மேலும், முக்கிய கதாபாத்திரங்களில் சரத்குமார், ராதிகா சரத்குமார், ஐஸ்வர்யா ராஜேஷ், மடோனா செபஸ்டியன், நந்தா, சாந்தனு, பாலாஜி சக்திவேல் உள்ளிட்ட பலர் நடித்துள்ளனர்.

இயக்குநர் மணிரத்னம் கதை எழுதி அவரிடம் உதவி இயக்குநராக பணியாற்றிய இயக்குநர் தனா இயக்கியுள்ளார். இவர் ஏற்கனவே விஜய் யேசுதாஸ் ஹீரோவாக நடித்த ‘படைவீரன்’ திரைப்படத்தை இயக்கியவர். ‘வானம் கொட்டட்டும்’ திரைப்படத்தின் மூலம் சென்சேஷனல் பாடகர் சித் ஸ்ரீராம் இசையமைப்பாளராக அறிமுகமாகிறார். 

இந்நிலையில்,‘வானம் கொட்டட்டும்’ திரைப்படம் படத்தில் இருந்து "கண்ணு தங்கம்" பாடலின் புரோமோ தற்போது வெளியாகியுள்ளது மேலும் பாடல் நாளை நவம்பர் 15 வெளியாக உள்ளது.ஃபேமிலி டிராமா ஜானரில் உருவாகியுள்ள இப்படத்தின் இசை, டீசர், டிரைலர் குறித்த அறிவிப்புகள் அடுத்தடுத்து வெளியாகும் என்று எதிர்ப்பார்க்கப்படுகிறது.

Are you ready for the @sidsriram wave? #KannuThangam - #VaanamKottattumFirstSingle will be out tomorrow at 5 PM! Launch by Isai Puyal @arrahman 🎶

Vocals: Sid Sriram & @ShakthisreeG

Lyrics: @bagapath #ManiRatnam @Dhana236 @iamVikramPrabhu @aishu_dil @MadonnaSebast14 pic.twitter.com/QXIhOTEWl6

— Madras Talkies (@MadrasTalkies_) November 14, 2019