இந்தியா, நியூசிலாந்து போட்டிக்கு முன்பு இந்த சூப்பர் ஸ்டார் படம் பார்த்த தல தோனி!

உலகக் கோப்பை கிரிக்கெட் போட்டிகள் இங்கிலாந்தில் நடந்து வருகிறது. இந்தியா இதுவரை தென்னாப்பிரிக்கா, ஆஸ்திரேலியா ஆகிய இரண்டு அணிகளை எதிர்த்து விளையாடி வெற்றி பெற்றது. இந்நிலையில் இந்தியா, நியூசிலாந்து அணிகள் மோதும் ஆட்டம் நாளை நடைபெற உள்ளது. போட்டிக்கு முன்பு இந்திய அணி வீரர்கள் பாலிவுட் சூப்பர் ஸ்டார் சல்மான் கான் நடிப்பில் கடந்த 5ம் தேதி வெளியான பாரத் படத்தை நாட்டிங்ஹாமில் உள்ள தியேட்டர் ஒன்றில் பார்த்து ரசித்துள்ளனர்.

பாரத் படம் பார்த்த பிறகு அணியினருடன் சேர்ந்து புகைப்படம் எடுத்து அதை ட்விட்டரில் வெளியிட்டுள்ளார் கேதர் ஜாதவ். அந்த புகைப்படத்தில் தோனி, ஹர்திக் பாண்டியா, கே.எல். ராகுல், கையில் கட்டுடன் ஷிகர் தவான் உள்ளிட்டோர் உள்ளனர். ஷிகர் தவானுக்கு கையில் காயம் ஏற்பட்டதால் அவரால் 2 வாரங்களுக்கு விளையாட முடியாது என்று தெரிவிக்கப்பட்டுள்ளது. இந்நிலையில் அவர் அணி வீரர்களுடன் சேர்ந்து படம் பார்க்க சென்றுள்ளார்.

கேதர் ஜாதவ் போட்ட ட்வீட்டை பார்த்த சல்மான் கான் அளித்த பதிலில் கூறியிருப்பதாவது, இங்கிலாந்தில் பாரத் படத்தை பார்த்த பாரத அணிக்கு நன்றி... எதிர்வரும் போட்டிகளில் சிறப்பாக விளையாட வாழ்த்துக்கள்.. ஒட்டுமொத்த பாரதமும் உங்கள் பக்கம்... பாரதம் வெல்லட்டும் என்று தெரிவித்துள்ளார்

Thank you Bharat team for liking Bharat... shukriya bhaiyon for watching #Bharat in England...best wishes for the upcoming matches... pura #Bharat apke sath hai... #BharatJeetega https://t.co/jusDppfvOc

— Salman Khan (@BeingSalmanKhan) June 12, 2019